კოლექტიური თავის დახოცვის ბლოგი_OLD

2 წლის წინ ეს ნაწერი დავდე ერთ-ერთ ქართულ ფორუმზე და ამ თემის განხილვისკენ მოუწოდე მომხმარებლებს:



მაშ ასე მეგობრებო...

საქართველოში ინტერნეტი 90-იანების შუა წლებიდან გამოჩნდა, თუმცა მასიური სახე ამ "ინტერნეტმანიამ" მხოლოდ 21 საუკუნეში მიიღო.

ახლა თბილისის მოსახლეობის უმეტესობისთვის არანაირ სირთულეს არ წარმოადგენს პერსონალური კომპიუტერის შეძენა და ინტერნეტის ჩართვა. კომპიუტერიზაციის ნიშნები შეიმჩნევა საქართველოს სხვა მსხვილ ქალაქებშიც.

და ეს ძალიან კარგია :)

ეს ტენდენციები რაღათქმაუნდა სრულიად აისახა ქართულ ინტერნეტ-სიცვრცეშიც:
თუკი 90იანების ბოლოს თბილისელი ართუ მაინცდამაინც მრავალრიცხოვანი მომხმარებლების ძირითად თავშეყრის ადგილი იყო იმ დროისთვის პოპულარული "მირკი", ახლა ყოველ ფეხის ნაბიჯზე, ან უფრო სწორად რომ ვთქვათ, მაუსის კლიკზე სულ ახალ-ახალ ქართულ საიტებს, ფორუმებსა თუ პერსონალურ დღიურებს ე.წ. "ბლოგებს" ვხვდებით.

ინტენსიურმა "ინტერნეტიზაციამ" საზოგადოებაში თანდათან შემოიტანა მომხმარებლებს შორის კომუნიკაციების განსხვავებული ფორმები. ამის ერთ-ერთი მაგალითია ე.წ. "სმაილიკები". დღეს იუზერებიდან ცოტას ვინმეს თუ წარმოუდგებია ურთიერთობა ამ ემოციების გამომხატველი ნიშნების გარეშე. შეიძლება თამამად ითქვას, რომ ჩვენი, ანუ ინტერნეტ სივრცის მაცხოვრებლების არსებოდა მჭიდროდაა დაკავშირებული ზემოაღნიშნულ კომუნიკაციების ენასთან.

გარდა ამისა, მოხდა თვით სალაპარაკო ენის მოდიფიცირება და მასში კიბერ-ელემენტების იმპორტი.
ამ მოვლენის წყაროდ ძირითადად გვევლინება ფორუმები, სადაც ადამიანების ურთიერთობას თემების, კომენტარებისა თუ სტატიების დონეზე გააჩნია უაღრესად მობილური ხასიათი.

იუზერი ამ შემთხვევაში არ არის რაიმეთი შეზღუდული და თამამად შეუძლია ექსპერიმენტირება გამონათქვამებისა თუ ცაკლეული სიტყვების ცვლილებებითა და მოდიფიკაციით.

ამის ნათელი მაგალითია ისეთი გამონათქვამების წარმოშობა, როგორიცაა: "წადი თავი დაიხოცე", "განიჯვი ნაზად ძვირფასო" და ა.შ. სიტყვები: "კეე", "მიატალი", "რულამს", "ჯასნა"...

ასევე გვხვდება თითონ ფორუმის სპეციფიკადან გამომდინარე შექმნილი სლენგი, თუნდაც "ლინყი დააგდე", "წორნი", "დაგბან" და სხვა.


მოკლედ, ფაქტი ერთია: ჩვენ მომსწრენი ვხდებით ახალი ქართული კიბერ-სლენგის შექმნისა.
ცუდია ეს თუ არა, მომავალი გვიჩვენებს, თუმცა ჩვენ ვაკეთებთ და ვლაპარაკობთ იმას და ისეთი ფორმით, როგორც მოგვწონს და გვეხერხება და საზოგადოებამ ადრე თუ გვიან ეს უნდა მიიღოს, როგორც ფაქტი.

ტაკ ძერჟაწ' რებიატა



პ.ზ. სხვათა შორის რუსეთში უკვე დიდი ხანია შეინიშნება ამის ტენდენციები:
Аффтары сказали Newsweek'у свое "кг/ам"


დროა, ჩვენც დავდოთ ჩვენი "კრეატივი"





ჯასთ ;)

"ბოლო დროს ქართულ ინტერნეტ სივრცეში, რომელსაც აქა–იქ ჯინეტს უწოდებენ, უნდობლობით გამსჭვალულმა მომხმარებლებმა ვიკიპედიას “წიკიპედია” შეარქვეს და, ჩემი აზრით, ამ ხუმრობა–ხუმრობაში ძალიან ეფექტური სიტყვა შეიქმნა. ინგლისური w–ს ქართულ განლაგებაზე “წ” შეესაბამება, არ ვიცი ამ სიტყვის პირველად დამწერს მართლა შეეშალა თუ არა კოდირება, მაგრამ ფაქტია წიკიპედია ზედგამოჭრილი სახელია ქართული ვიკიპედიისათვის (მთლიანად ვიკიპედიას რომ თავი დავანებოთ). ამ სიტყვაში უნებლიედ მიღებული “წიკი”–ც არ არის უფუნქციოდ, იგი ხაზს უსვამს იმას, რომ ენციკლოპედიაში დაწერილი სტატია, თუ მოყვანილი ფაქტი ვიღაცის “წიკია”, შესაბამისად ზუსტად ეს ბადებს უნდობლობას მთლიანად ვიკიპედიის მიმართ."

წიკიპედია ფანდარასტ!